அன்பே வெற்றி

                                           அன்பே  வெற்றி

தன்னந்தனியாக  நடந்தன  என்  கால்கள்
அந்நிய  தேசத்திலே  ஒரு நாள்
காலைக்  கதிரவனின் கதகதப்பில்

தனியாக  நடந்தவை என் கால்கள் மட்டும் அல்ல  என்
மனமும் தான்   ; அங்கே
எண்ணம் ஆயிரம்  இருந்தனவேயன்றி  அவைகளுக்கு
வண்ணம் பூச  கூடவே  ஒரு துணை   இல்லாததால்

இடறி  விழுந்தேன்  கல்லொன்று தடுக்க
கால்  தடுமாறி  நடக்கையிலே
துணையொன்று   கைக் கோர்த்து  வந்திருந்தால்
இடையூறு   இப்படி  வந்திருக்குமா ? எழ
இயலவில்லை  உடனே   உள்ளச்சோர்வு
உடலைத்  தாக்க  ; அத்தருணம்

அன்புக்  குரல் கொடுத்தாள்
அந்நாட்டுச் சிறுமி  ஒருத்தி
ஓடும்  வாகனத்திலிருந்தபடியே  _ என் மீது
அக்கரைக்  காட்டி

கோலென பற்றிக்கொண்டது  அவள்
அன்பை  என் மனம்  பின்
எண்ணங்கள்   வண்ணமயமாக
உற்சாகம் பெற்றது உடலும்
எழுந்தேன்  தொடர்ந்தேன்  நடையை

அன்புக்கு  ஏது  அன்னியம்
அன்புக்கு   ஏது  அடைக்கும் தாழ்
எம்மதமும்  எம்மொழியும்
எந்நாடும்  சம்மதமே  அன்புக்கு
அன்பே வெற்றி அல்லவோ

 

பற்று வேண்டுமே

                                                  பற்று வேண்டுமே

பற்றிக்  கொள்கின்றன   ஒன்றை
கொடிகள்  அவை    பூமியில்
வளர்ந்து பூத்து குலுங்க  - நாமும்

பற்ற  வேண்டுமே  என்றும்
நற்பண்புகளை   உலகில்
சிறப்போடு  வாழ

பற்ற  வேண்டுமே  என்றும்
அற்புத கலைகளை  மனதில்
கலாச்சாரத்தோடு  வாழ

பற்ற  வேண்டுமே  என்றும்
பற்றிலா  வாழ்வை   நினைவில்
இறைவனோடு  வாழ

பற்ற  வேண்டுமே  என்றும்
பற்று அற்ற இறைவன் தாளை
அவனோடு இரண்டற கலக்க  

தெய்வீகம்

                                                 தெய்வீகம்

பெற்றோர்களே  !
பிள்ளைகளுக்கு   அன்பை   காட்டி
பண்பை  கற்பியுங்கள்
சொத்துக்களை  குவித்து
அன்பை    விலைபேசாதீர்கள்

பெற்றோர்களே
பிள்ளைகளுக்கு   அன்பைச்  சொல்லி
தர்மத்தை  கற்றுக்கொடுங்கள்
நாடு   பிற்காலத்தில்  சிறந்த
தலைவர்களைப்   பெறும்   

பெற்றோர்களே  !
பிள்ளைகளுக்கு   அன்பை  ஊட்டி
கலைகளை   வளருங்கள்  மனதில்
கலைகள்  வளர்ந்தால்
கற்பனை வளம்   பெறும்

பெற்றோர்களே !
பிள்ளைகளுக்கு   அன்பை  நீட்டி
கைத்தொழிலை   கற்றுக்கொடுங்கள்
கைத்தொழில்  கற்றால்
கலாச்சாரம்   பெருகும்

கலாச்சாரம்   பெருகினால்
நாடு வளம்  பெறும்
நாடு வளம் பெற்றால்
குற்றங்கள்   குறையும்
குற்றங்கள்   குறைந்தால்
தெய்வீகம்  குடிகொள்ளும் 

                                 வெற்றிகள்  காணலாம்

உறவோடு   வாழ்ந்தால்
உரிமைகள்   பெருகி
உள்ளங்கள்   என்றும்  பொங்கும்

இரவோடு   உறங்கி
விடியலில்   எழுந்தால்
இதயங்கள்    வலுப்பெறும்

பசுமையோடு  வாழ்ந்தால்
இனிமை  கூடி
இளமையும்  நிலைக்கும்

அழுக்காமை    அகன்றால்
ஆனந்தம்   பெருகி
அமைதி   குடிகொள்ளும்

மயக்கத்தில்   தடுமாறாமல்
மதி கொண்டு வாழ்ந்தால்
மங்கலங்கள்  என்றும்  நிலைக்கும்

அமைதி தேடி அலையாமல்
இருப்பதில்   நிம்மதி  கொண்டால்
இன்பங்கள்   பெருகும்

விட்டுக்  கொடுத்து  வாழ்ந்தால்
வீரம் பெருகும்   வாழ்விலே
வெற்றிகள் குவியும் 

மாற்றங்கள்

                                                   மாற்றங்கள்

நதிகள்  எல்லாம்  தொலைத்தன  அதன்
நடையின்   ஜதிகளை   அங்கே
மணலில்  மேடைகள்  இல்லாததால்

சுத்தம்  செய்ய  பூச்சி கொல்லி   மருந்து
நித்தம் வருகிறது வீடு தேடி  தண்ணீராக
சத்தம்  இன்றி மறைத்தன  வீட்டுக்  கிணறுகளும்

மனிதன்  தொலைக்கிறான் தன் ஆயுளை
காற்று சீரமைப்பு பெட்டி  அறையிலே
அண்ணார்ந்து  பார்க்க  வானம் இருப்பதையும்  மறந்து

ஓடுகிறான்   ஒவ்வொரு  நொடியும்  மனிதன்
அண்மையில்   இருப்பவையெலாம் இருளென விலக்கி
ஓடுவது எதை நோக்கி என விளங்காமல்

மாற்றங்கள் தான்  நிரந்தரம் எனில்
மானிடனும்   ஏற்கலாமா  இம்மாற்றங்களை
மாறுபடுகிறதே  இதனால் மானிடன்  மனமும் 

கோடை மழை

                                            கோடை   மழை

கடலோரத்தில்   காற்று அழுத்தம் பெற்றதே
சாரால்  என    மழையும்   வந்ததே
தரையில்   மரக்கிளை  தவழ்ந்ததே
காற்றும்    பலமாக   வீசவே
இடிகள்   வானில்   முழங்கவே
மின்னலும்  பூமிக்கு  இறங்குதே
செய்திகள்    வானொலியில்   ஒலிக்குதே
துளிகள்    தரையில்   விழுகையிலே
கோடை மழையும்   கொட்டுதே
நதிகள்  யாவும் நிரம்பவே
செழுமை கண்ணில் தெரியுதே    இவ்
வையகம்   சொர்க்கம்    ஆகவே  ..................................

காதலே கருணை

                                         காதலே கருணை

உருண்டு திரண்டு மிரண்டு 
வானில் ஓடும் கருமேகங்களே
பறந்து உயர்ந்து வளர்ந்த மலைமேல் மோதுவது
நீ அதன் மேல் கொண்ட
மோகத்தாலா , கோபத்தாலா  இல்லை உன்
 வேகத்தாலா
காரணம்  எதுவாக  வேண்டுமானாலும்  இருக்கட்டுமே    இதனால்
நீ  பொழிவது ஆனந்த கண்ணீரோ  ?
வானம் இறங்கி வந்து உன் காதலை
சொன்னதால் வந்ததோ  அது ?
காரணம் எதுவாக வேண்டுமானாலும் இருக்கட்டுமே

உனது கருணையில்  நனைந்த எங்கள் ஜீவன்
 உன்னை வாழ்த்தி நிற்கிறதே _  இந்த
 புவிமேலே   நீ
உன் காதலை மீண்டும்  மீண்டும் சொல்லவே
வேண்டி நிற்கிறோம்  
காதல் என்றும்  கருணை பொழியுமே...............