மாற்றங்கள்

                                                   மாற்றங்கள்

நதிகள்  எல்லாம்  தொலைத்தன  அதன்
நடையின்   ஜதிகளை   அங்கே
மணலில்  மேடைகள்  இல்லாததால்

சுத்தம்  செய்ய  பூச்சி கொல்லி   மருந்து
நித்தம் வருகிறது வீடு தேடி  தண்ணீராக
சத்தம்  இன்றி மறைத்தன  வீட்டுக்  கிணறுகளும்

மனிதன்  தொலைக்கிறான் தன் ஆயுளை
காற்று சீரமைப்பு பெட்டி  அறையிலே
அண்ணார்ந்து  பார்க்க  வானம் இருப்பதையும்  மறந்து

ஓடுகிறான்   ஒவ்வொரு  நொடியும்  மனிதன்
அண்மையில்   இருப்பவையெலாம் இருளென விலக்கி
ஓடுவது எதை நோக்கி என விளங்காமல்

மாற்றங்கள் தான்  நிரந்தரம் எனில்
மானிடனும்   ஏற்கலாமா  இம்மாற்றங்களை
மாறுபடுகிறதே  இதனால் மானிடன்  மனமும்