உல்லாசம் காண்போம் ( social)

வானத்தை நோக்கி கரு
மேகத்தை நான் காண 
மழையது  சாரல் என்
தலையை   மெல்ல வருட

இளமைக் காலம் இதமாக
இமைகளை தடவ  சிறு
பிள்ளையென நானும் ஆகி
சின்னஞ் சிறு குழிகளில்

காகித கப்பலிட்டு
கைக் கொட்டிச் சிரிக்க
சாலையில் செல்லும் சிறு
பிள்ளைகளும் உடன் சேர

கப்பலின் எண்ணிக்கை
குழிகளை நிரப்ப  எங்கள்
கன்னங்கள் குழிய முகத்தில்
சந்தோஷம் நிரம்ப 

கப்பல்கள் மெல்ல கரை தாண்டி
கன்னங்களின் குழியில்  மிதக்க
உல்லாச பயணம் செல்ல
ஊர்  முழுதும் திரள

ஏலேலோ  ஐலசா  ( அய்லசா )
ஏகாந்தமாய் எங்கும் ஒலிக்க ................
பிள்ளைப்    பருவத்தில்
உல்லாசம்   காண்போம்